Elimizde Quryltaı saılaýynda daýys berý aıaqtaldy
ASTANA. KAZINFORM — Qazaqstanda Quryltaı depýtattaryn saılaý boıynsha daýys berý aıaqtaldy. Jergilikti ýaqyt boıynsha saǵat 20:00-de el aýmaǵyndaǵy saılaý ýchaskeleri jabylyp, komıssııalar daýystardy sanaýǵa kiristi.
Elimizdiń barlyq óńirinde Quryltaı depýtattaryn saılaý 07:00-de bastaldy. Daýys berý 10 423 saılaý ýchaskesinde ótti.
Astana ýaqytymen 03:00 Ońtústik Koreıa astanasy Seýl men Japonııa astanasy Tokıoda (jergilikti ýaqyt boıynsha saǵat 07:00–de) saılaý ýchaskeleri ashyldy. Seýldegi saılaý ýchaskesinde alǵashqylardyń biri bolyp Koreıa ýnıversıtetiniń stýdenti Ajar Kárimjanova óz tańdaýyn jasady.
Eske salsaq, bıyl 1 shildede Memleket basshysy «Qazaqstan Respýblıkasy Quryltaıynyń saılaýyn taǵaıyndaý týraly» Jarlyqqa qol qoıdy.
QR Ortalyq saılaý komıssııasy Quryltaı saılaýyna qatysatyn «Ádilet», JSDP, «Baıtaq», QHP, «Aýyl» partııasy, «Aq jol» jáne Respublica partııasynyń tizimderin tirkedi. 145 depýtattyq mandatqa 545 kandıdat úmitker bolyp otyr.
