BQO ákimi Narıman Tóreǵalıev quryltaı saılaýynda daýys berdi
ORAL. KAZINFORM — Aımaq basshysy Narıman Tóreǵalıev Quryltaı saılaýynda daýys berdi. Ol oblys ortalyǵyndaǵy Oral aqparattyq tehnologııalar kolledjinde ornalasqan № 521 saılaý ýchaskesinde óz tańdaýyn jasady.
— Barshańyzǵa belgili, Memleket basshysy Qasym-Jomart Kemeluly Toqaevtyń bastamasymen elimizde aýqymdy reformalar júzege asyp, damýdyń jańa kezeńine qadam bastyq. Bıylǵy naýryz aıynda jalpyulttyq referendýmda jańa Konstıtýtsııany qabyldasaq, búgin el tarıhyndaǵy taǵy bir eleýli oqıǵa — jańa birpalataly Quryltaıdyń alǵashqy saılaýynda tańdaý jasap jatyrmyz. Osyndaı taǵdyrsheshti sátte ár azamattyń daýysy mańyzdy. Jaıyq jurtshylyǵy da qashanǵydaı bereke-birligin kórsetip, saılaýǵa belsene qatysady dep senemin, — dedi Narıman Tóreǵalıev.
Aıta keteıik, oblysta 450 myńnan astam adam daýys berýge quqyly. 488 saılaý ýchaskesi jumys istep tur. Saıası naýqannyń barysyn akkredıttelgen qoǵamdyq birlestikter men kommertsııalyq emes uıymdar, buqaralyq aqparat quraldarynyń ókilderi baıqaýda.
