Elde qurylys jumystarynyń kólemi 13,4%-ǵa ósti
ASTANA. KAZINFORM — 2026 jyldyń qańtar-mamyr aılarynda Qazaqstanda oryndalǵan qurylys jumystarynyń kólemi 2,4 trln teńgege jetip, ótken jyldyń sáıkes kezeńimen salystyrǵanda 13,4%-ǵa ulǵaıdy.
Ulttyq statıstıka bıýrosynyń málimetinshe, ósim negizinen ǵımarattar salý kóleminiń 41,2%-ǵa artýy jáne qurylys pen jóndeý jumystarynyń kóbeıýi esebinen qamtamasyz etildi.
Qurylys jumystarynyń jalpy kóleminde avtomobıl joldary, temirjoldar men metro qurylysynyń úlesi 26,3%-dy qurady. Sondaı-aq turǵyn emes ǵımarattar qurylysy — 20,4%, turǵyn úıler qurylysy 11,9% boldy.
— El boıynsha qurylys jumystarynyń basym bóligin jeke qurylys uıymdary oryndady. Olardyń úlesi 87,9%-ǵa teń. Sheteldik kompanııalar 11,4%, al memlekettik uıymdar 0,7% qurylys jumysyn júzege asyrdy, — delingen bıýro taratqan aqparatta.
Buǵan deıin ShQO-da qurylys kompanııalary úıdiń qunyn azaıtyp kórsetip, 420 mln teńge salyq tólemegenin jazǵanbyz.
