Qazaqstanda qurylys jandandy: qaı óńirler kósh bastady
ASTANA. KAZINFORM — 2026 jylǵy qańtar-naýryzda oryndalǵan qurylys jumystarynyń kólemi 14,8% ósip, 1 231,4 mlrd teńgege jetti, dep habarlaıdy Ulttyq statıstıka bıýrosynyń baspasóz qyzmeti.
Bıýronyń málimetinshe, qurylys jumystary kóleminiń ósýi negizinen qurylys nysandaryn salý jáne jóndeý jumystarynyń ulǵaıýymen (37,5%-ǵa) baılanysty.
— Oryndalǵan qurylys jumystarynyń (qyzmetteriniń) túrleri boıynsha eń úlken úles avtomobıl jáne temirjol joldaryn, sondaı-aq metropolıtendi salý jumystaryna (jalpy kólemniń 25,5%), turǵyn emes ǵımarattar (22%) men turǵyn úıler (11,6%) qurylysyna tıesili, — delingen habarlamada.
Óńirlik bóliniste qurylys jumystary kóleminiń ósýi respýblıkanyń 16 óńirinde baıqaldy.
Aıtarlyqtaı ósim:
- Ulytaý oblysynda (2 ese),
- Jambyl oblysynda (52,7%),
- Pavlodar oblysynda (26,6%),
- Mańǵystaý oblysynda (23,1%),
- Qyzylorda oblysynda (22%-ǵa),
- Batys Qazaqstan oblysynda (17,4%-ǵa),
- Túrkistan oblysynda (17,4%),
- Shyǵys Qazaqstan oblysynda (15,9%),
- Shymkent (49,2%),
- Almaty qalalarynda (22,7%) tirkelgen.
2026 jylǵy qańtar-naýryz aılarynda paıdalanýǵa berilgen jańa nysandardyń jalpy alańy 4 846,9 myń sharshy metr boldy. Turǵyn úıdiń jalpy alańy 2025 jylǵy qańtar–naýryzben salystyrǵanda 3,8%-ǵa ósip, 3 869,4 myń sharshy metrge jetti.
Budan buryn elimizde qurylys kúrdeliligin baǵalaýdyń jańa ólshemsharttary bekitilgenin jazdyq.
