Qazaqstanda qurylys barysyn dron jáne jasandy ıntellektiniń kómegimen baqylaıdy
ASTANA. KAZINFORM – Endi qurylys barysyn baqylaýdy dron jáne jasandy ıntellektiniń kómegimen júzege asyrmaq. Bul týraly Ónerkásip jáne qurylys vıtse-mınıstri Jánnat Dúbirova málim etti.
– Dron berilgen aýmaqty aınalyp ushyp shyǵady, al jasandy ıntellekt ushý nátıjesi bekitilgen bas josparlar jáne egjeı-tegjeı jobalaý josparymen salystyryp tekseredi. Eger sáıkessizdik anyqtalsa, málimet memlekettik arhıtektýra-qurylys baqylaý komıtetine joldanady, – dedi Jánnat Dúbirova ortalyq kommýnıkatsııalar qyzmeti alańynda ótken baspasóz máslıhatynda.
Vıtse-mınıstrdiń málimdeýinshe, qurylys salasynda jasandy ıntellektini qoldanýǵa baǵyttalǵan pılottyq joba jyl sońyna deıin iske qosylady.
Aıta ketsek, elimizde jasandy ıntellekt ınstıtýty ashylmaq.
Mamyrda memlekettik qyzmetshilerge arnalǵan jasandy ıntellekt kýrsy bastaldy.
