Qazaqstanda kýrer, taksı júrgizýshileri men frılanserler úshin jańa ereje ázirlendi
ASTANA. KAZINFORM — «Ashyq Úkimet» portalynda Eńbek jáne halyqty áleýmettik qorǵaý mınıstriniń «Platformalyq jumyspen qamtýdy júzege asyrý qaǵıdalaryn bekitý týraly» buıryǵynyń jobasy ázirlendi.
Qujat Áleýmettik kodekstiń 102 jáne 102-1-baptaryna sáıkes ázirlengen. Atalǵan baptar ınternet-platformalar men mobıldi qosymshalardy paıdalana otyryp qyzmet kórsetetin nemese jumys oryndaıtyn jeke tulǵalardyń platformalyq jumyspen qamtylýyn, áleýmettik qamsyzdanýynyń quqyqtyq negizderin aıqyndaıdy.
Negizdemede aıtylǵandaı, bul jobany ázirleýge platformalyq jumyspen qamtý tártibin birizdendirý, ınternet-platforma operatorlary, tapsyrys berýshiler men oryndaýshylar arasyndaǵy qarym-qatynasty retteý, sondaı-aq osy saladaǵy qyzmettiń ashyqtyǵyn qamtamasyz etý qajettigi sebep bolǵan.
Buıryq jobasyn qabyldaý nátıjesinde:
— platformalyq jumyspen qamtýdy júzege asyrýdyń biryńǵaı tásilderi qalyptastyrylady;
— ınternet-platformalar arqyly jumys isteý sharttarynyń ashyqtyǵy qamtamasyz etiledi;
— oryndaýshylardyń ınternet-platformalardy paıdalaný sharttary týraly habardar bolý deńgeıi artady.
Qujat 25 qyrkúıekke deıin qoǵamdyq talqylaýda bolady.
Aıta keteıik, áıel kýrerlerge quqyqtyq ári psıhologııalyq kómek kórsetiledi.
Elimizde kýrer qyzmetine qabyldaýdyń biryńǵaı qaǵıdasy qabyldanady.
