Qazaqstanda qurastyrylǵan tikushaqtyń birinshi partııasy tapsyryldy

NUR-SULTAN. QazAqparat - Almaty qalasynda «№ 405 avıajóndeý zaýytynda» Tótenshe jaǵdaılar mınıstrligine arnap jasalǵan Mı-8AMT tikushaǵynyń birinshi partııasy saltanatty túrde tapsyryldy, dep habarlaıdy QazAqparat QR IIDM baspasóz qyzmetine silteme jasap.

Tikushaqtardy qurastyrý jónindegi osy joba Qazaqstan Respýblıkasynyń Tuńǵysh Prezıdenti-Elbasy N.Á. Nazarbaevtyń Reseı Federatsııasynyń Prezıdenti V. V. Pýtınniń memlekettik saparynyń qorytyndysy boıynsha 2015 jyly bergen tapsyrmasyna sáıkes iske asyryldy.

Іs-sharaǵa «Vertolety Rossıı» AQ jáne Qazaqstannyń memlekettik organdarynyń basshylyǵy qatysty.

Mı-8AMT - kóp maqsatty tikushaq, eki qozǵaltqyshty tikushaq. Kóptegen azamattyq jáne áskerı tapsyrmalardy oryndaý úshin 50-den astam elde keńinen qoldanylady.