Qazaqstanda qurastyrylǵan kólikterdiń arasynda qaısysy joǵary suranysqa ıe

NUR-SULTAN. QazAqparat – 2020 jyldyń eki aıynda Qazaqstanda 12 607 avtokólik qurastyryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar. Bul týraly QazAqparat «QazAvtoÓnerkásip» avtokólik salasyndaǵy kásiporyndar odaǵyna silteme jasap habarlaıdy.

Esepti kezeńde Qazaqstanda shyǵarylǵan kólikterdiń jalpy quny 94,1 mlrd teńgege baǵalanyp otyr. Onyń ishinde jeńil avtomobıl óndirý eki esege ósip, 11 136-ǵa jetti. Avtobýs tehnıkasyn shyǵarý (207 kólik) qańtar-aqpan aılarynda 80 paıyzǵa artty. Sonymen qatar, júk kólikterin qurastyrý (1 091) 7,3 esege ósken.

Bıyl Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Hyundai (2 138 kólik), Lada (1 986), KIA (1 105), Ravon (912) jáne JAC (107) endi.

Otandyq kásiporyndar usynatyn markalardyń tiziminde Skoda (92 kólik satyldy), Chevrolet (72) pen UAZ (35) bar ekenin atap ótken jón.