Qazaqstanda qurastyrylǵan kólikter baǵasy nege qymbattap barady

NUR-SULTAN. QazAqparat – Qazaqstanda qurastyrylǵan kólikterdiń baǵasy nege qymbattap barady? Bul saýalǵan QR Indýstrııa jáne ınfraqurylymdyq damý vıtse-mınıstri Amanııaz Erjanov jaýap berdi, dep habarlaıdy QazAqparat tilshisi.

«Bizde kólik qurastyrýdyń oqshaýlanýy 35-43 paıyzdy quraıdy. ıAǵnı, qazaqstandyq avtokomponentterdiń qoldanylý kórsetkishi tómen bolǵandyqtan baǵany turaqty ustaı almaı otyrmyz. Avtobólshekterdi shetelden ımporttaımyz. Sol sebepti kólik baǵasy tómendemeı tur. Biraq, kólik quraldaryn qurastyrý kelisimine sáıkes, oqshaýlanýdy 50 paıyzǵa jetkizgennen keıin baǵaǵa qatysty is-sharalar qoldana alatyn bolamyz. Sonda baǵa qalypqa keledi dep oılaımyz», - dedi Amanııaz Erjanov Ortalyq kommýnıkatsııalar qyzmetindegi baspasóz máslıhaty barysynda.

Sonymen qatar vıtse-mınıstr kólik qurastyrýdyń oqshaýlanýy 50 paıyzǵa jetken kezde otandyq avtomobılder baǵasynyń qansha paıyzǵa tómendeıtindigi naryqqa baılanysty ekendigin basa aıtty.

«Oqshaýlaný 50 paıyzǵa jetkende kólik baǵasy mynsha paıyzǵa arzandaıdy dep aıta almaımyn. Biraq, naryq suranysyna, shyǵarylǵan ár kólik modeliniń qosylǵan qunyna baılanysty baǵa tómendeýi múmkin dep esepteımiz», - dedi ol.