Qazaqstanda qurastyrylǵan avtomobılderdiń ishki naryqtaǵy úlesi artýda
ALMATY. 19 qyrkúıek. QazAqparat - Allur Auto kompanııasynyń ishki avtomobıl saýdasyndaǵy úlesi 8 aıdyń qorytyndysy boıynsha 5,2 paıyzdy quraýda.
Bul kezeńde Allur Auto - 5201, SY - 22015, Zaz - 2 032, Mitsubishi - 627, Suzuki - 158, Iveco 169 kólik satqan kórinedi. Kompanııanyń baspasóz qyzmetiniń habarlaýynsha, tamyzda shilde aıymen salystyrǵanda saýdasyn 10 paıyzǵa ulǵaıtqan olar qazir naryqta bir satyǵa joǵarylap tórtinshi orynǵa kóterilgen. Óz klıentteri arasynda eń tanymaly SsangYong markasyndaǵy kólikter bolyp otyr. Onyń saýdasy tamyzda 8,4 paıyzǵa ósip, 387-ni qurady. Odan keıingi oryndarda SsangYong Kyron (162 dana) men SsangYong New Actyon (130 dana) markasyndaǵy kólikter kele jatyr. Zaz markalyq avtomobılder saýdasy bolsa tamyzda 6 paıyzǵa ósken. Satylǵan 361 kóliktiń 279-y nemese 77 paıyzyn onyń qazaqstandyq óndiristegi Chance modeli quraǵan. Al Mitsubishi brendindegi avtomobılder saýdasynyń ósimi 2,4 paıyz bolyp otyr.
