Qazaqstanda qurastyrylǵan 100-den astam lokomotıvterdi eksporttaý týraly memorandýmǵa qol qoıyldy

ASTANA. 18 mamyr. QazAqparat - Astanadaǵy «Djeneral Elektrık» tehnologııasy boıynsha lokomotıv qurastyratyn zaýytta 130 lokomotıv shyǵaryldy.

Bul jaıynda búgin qazaqstandyq qamtýdy damytý boıynsha «Samuryq-Qazyna» qory janyndaǵy qoǵamdyq keńestiń keńeıtilgen otyrysynda «Qazaqstan temir joly» kompanııasynyń vıtse-prezıdenti Erik Sultanov aıtty.

Onyń sózine qaraǵanda, búginde atalǵan kásiporynnyń eksporttyq áleýeti damyp kele jatyr. Osy oraıda bekitilgen kelisimsharttyń aıasynda Tájikstanǵa 6 lokomotıv jetkizilmek.

Budan bólek, qazirgi kezde lokomotıvter Reseı men Estonııada sertıfıkatsııalyq synaqtan ótip jatyr. Jalpy eksportqa 100-den astam lokomotıv shyǵarý týraly memorandým bekitildi.