Qazaqstanda qurastyrylatyn avtokólikterge suranys joǵary
ALMATY. QazAqparat - Sońǵy bes aıda elimizde 25 myńǵa jýyq jańa avtokólik satyp alyndy. Olardyń basym bóligi Qazaqstanda qurastyrylǵan, dep habarlaıdy QazAqparat Ranking silteme jasap.
«QazAvtoProm» kompanııasynyń málimetinshe, 2019 jyldyń qańtar-mamyr aralyǵynda elimizde 24,7 myń jańa jeńil avtokólik satylǵan. Bul ótken jyldyń osy kezeńimen salystyrǵanda 19,9%-ǵa joǵary.
Qazaqstanda qurastyrylyp satylǵan kólikterdiń úlesi bir jyl ishinde 47,1% -dan 55,6% -ǵa deıin ósti. Al ımporttyq avtokólikterdi satý úlesi kerisinshe 52,9% -dan 44,4% -ǵa deıin tómendedi.
2019 jyldyń bes aıynda satylǵan kólikter arasynda «LADA» kósh bastap tur. Ekinshi orynda «Toyota», úshinshi orynda «Hyundai» avtokólikteri.
«AzııaAvto» jáne «SaryarqaAvtoProm» qurastyryp shyǵarǵan avtokólikter arasynda «LADA» brend sanalady. Bes aıdyń ishinde 5,9 myń kólik satyldy, bul ótken jylmen salystyrǵanda 30,6% -ǵa kóp. «Hyundai» 4,6 myń. «KIA» markasy úshtikke ilindi 1,6 myń kólik satyldy.
Avtory: Alma Muqanova
