Qazaqstanda qurastyrylatyn suranysy joǵary 5 kólik modeli belgili boldy

ASTANA. KAZINFORM – Ulttyq statıstıka bıýrosynyń málimeti boıynsha Qazaqstanda 147 431 kólik qurastyrylǵan.

Qazaqstan avtokólik odaǵynyń málimetine súıensek, 2024 jyly eń kóp qurastyrylatyn jeńil avtomobıl brendteri mynalar: Hyundai (45 364 kólik shyǵarǵan), Chevrolet (39 349), Kia (24 111), JAC (13 682) jáne Jetour (11 305).

Al naqty modelderge jiktesek, Chevrolet Cobalt (33 843), Hyundai Tucson (21 881), Kia Sportage (9 192 ), Hyundai Elantra (8022 ) jáne Jetour X70 (5 259) kólikter kóp qurastyrylǵan..

2024 jyldyń 1 jeltoqsanyndaǵy málimet boıynsha, elimizde 12 587 elektromobıl tirkelgen. Bul bir jylda elektromobılder sany 1,6 ese ósti degen sóz.

Qazaqstan avtokólik odaǵynyń deregi boıynsha, Qostanaıdaǵy Allur («SaryarqaAvtoProm») kásiporny 2024 jyly 90 515 kólik qurastyrǵan (2023 jylǵy kórsetkishten +0,3%). Almatydaǵy Hyundai Trans Kazakhstan zaýyty 45 410 jeńil kólik qurastyrǵan (-7,1%). Semeıdegi SemAZ zaýyty 4 271 kommertsııalyq tehnıka qurastyrǵan (+12,8%). Qaraǵandy oblysynyń Saran qalasyndaǵy QazTehna kásiporny 1 576 kommertsııalyq tehnık aqurastyrǵan (-12,5%). Kókshetaýdaǵy «KAMAZ Injınırıng» zaýyty 1 524 júk kóligin (+15,5%), Almatydaǵy Hyundai Trans Almaty kásiporny 796 kommertsııalyq tehnıka (-18,9%), Semeıdegi Daewoo Bus Kazakhstan 537 avtobýs (-11,8%), «Ýralskagroremmash» 105 arnaıy tehnıka (-14,6%), ózge zaýyttar 2 697 tehnıka qurastyrǵan.

Osyǵan deıin jeke adamdardyń avtokólik pen jyljymaıtyn múlikti lızıngke alatyny týraly jazdyq.