Qazaqstanda quny 128 mlrd teńge bolatyn 22 myń ıpoteka qaıta qarjylandyryldy

ALMATY. QazAqparat - QR Ulttyq bankinde ıpotekalyq nesıelerdi qaıta qarjylandyrý týraly aıtyldy, dep habarlaıdy QazAqparat tilshisi banktiń baspasóz qzymetine silteme jasap.

Baspasóz qyzmeti habarlaǵandaı, ıpotekalyq nesıeni qaıta qarjylandyrý eki bloktan turady. 

Birinshi blok 2004-2009 jyldary ıpotekalyq nesıe alyp, tóleı almaı qalǵan klıentterdi qoldaýǵa baǵyttalǵan. Ulttyq bank osy maqsatta 130 mlrd teńge bóldi. 

«2018 jyldyń 9 tamyzyndaǵy jaǵdaı boıynsha jalpy quny 153,3 mlrd teńge bolatyn 24 613 nesıe maquldandy. Jalpy quny 128,5 mlrd teńge bolatyn 22 348 nesıe qaıta qarjylandyryldy. Barlyǵy 228,9 mlrd teńge bolatyn 30571 ótinim qabyldandy», - dedi Ulttyq bankten. 

Ekinshi blok 2016 jyldyń 1 qańtaryna deıin teńgemen alynǵan nesıelerdi qaıta qarjylandyrýǵa baǵyttalǵan. 

«Búginde valıýtalyq zaımdar boıynsha quny 10 mlrd teńge bolatyn 1520 ótinim maquldandy. 4,9 mlrd teńge bolatyn 887 zaım qaıta qarjylandyryldy. Barlyǵy 2 015 ótinim qabyldandy», - dedi bankten.