Qazaqstanda kúnine 90-100 myń adam vaktsına alyp jatyr

NUR-SULTAN. QazAqparat – Qazaqstanda kúnine 90-100 myń adam vaktsına alyp jatyr. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Árıne, biz vaktsınatsııa barynsha tezirek bitkenin qalaımyz. Bul rette júrgizip jatqan jumystarymyzdy kúsheıte túsý qajet dep esepteımin. Óńirlermen ne istep jatyrmyz? Apta saıyn koronavırýspen kúres jónindegi vedomstvoaralyq komıssııa ótedi. Onda biz óńirlerge aqparattyq-túsindirý jumysyn kúsheıtý qajettigin aıtamyz. Óıtkeni, vaktsına erikti túrde salynady», - dedi mınıstr Ortalyq kommýnıkatsııalar qyzmetindegi brıfıng barysynda.

Sonymen qatar ol sońǵy kúnderi elimizde vaktsınalaý qarqyny arta túskendigin basa aıtty.

«Aıtalyq, keshe shamamen 90 myń doza ekpe salyndy. Jalpy, sońǵy kúnderi 90-100 myń vaktsına salynyp jatyr. ıAǵnı, biz bul jumysty kúsheıte túsetin bolamyz. Qalaı bolǵanda da kúzde 10 mln vaktsına salynady dep josparlap otyrmyz. Árıne, vaktsına saldyrmaǵan, aýryp turǵannan keıin 6 aıdan astam ýaqyt ótken azamattar kelip vaktsına alatyndyǵyna, qoldaý kórsetetindigine úmittenemiz. Óıtkeni, ókinishke oraı adamdar ekinshi ret qaıta aýyryp qalyp jatyr. Bizge Qazaqstanda koronavırýs ınfektsııasynyń tolqyndy taralýy bolmaýy úshin qorǵaný qajet», - dedi Alekseı Tsoı.