Qazaqstanda kúnine 20-25 adam JITS juqtyrady - G. Nurǵojına

Ortalyqtyń málimetinshe, 1997 jyly Astana qalasynda AITV-ǵa shaldyqqan 1 ǵana adam tirkelgen bolatyn. Qazir bul dertke shaldyqqandardyń sany 814 adamǵa jetken. ıAǵnı, 2014 jyly 202 adam jańadan tirkeýge turǵan. Bul árbir 100 myń turǵynnyń sekseni VICh-ke shaldyqqan degen sóz. «Taǵy bir ókinishtisi dertti juqtyrǵandardyń deni jastar. Qazaqstanda kúnine 20-25 adam osy aýrýdy juqtyratyn bolsa, olardyń 60 paıyzynan kóbin 15 pen 35 jas shamasyndaǵy jastar quraıdy eken», - deıdi Astana qalalyq «JITS-tiń aldyn alý jáne oǵan qarsy kúres ortalyǵy» emdeý-aldyn alý bóliminiń meńgerýshisi Gúlnár Nurǵojına. Onyń aıtýynsha, aýrýǵa shaldyqqan jastardyń kóbi derlik beı-bereket jynystyq qatynastyń qurbany ekenin aıtady. «Qazirgi jastar ózderin tym saýattymyz dep oılaıdy, alaıda sanasyn ǵalamtor ýlaǵan urpaǵymyz qurdymǵa ketip bara jatqanyn ózderi de baıqamaıdy. Bizde tirkeýde turǵan emdelýshi jastardyń kóbisi osyndaı ǵalamtor arqyly tanysqan, aty-jónin de tolyq bilmeıtin, jalǵan mahabbattyń qurbandary. Barmaq tistep qalǵan kezde ol adamnyń kim ekenin de anyqtap bere almaıtyny ókinishti. Mundaıda dárgerlerdiń jumysy da qıyndaı túsedi», - deıdi maman. G. Nurǵojınanyń aıtýynsha, dertti qalaı juqtyrǵanyn bilmeı, basyn tasqa soǵatyn bul jastar úshin endigi ómirleri dárgerlerdiń qatań baqylaýynda emdelýmen ótedi. Sebebi, JITS-tiń qaqpanyna bir túsken adam odan bir jola aıyǵyp ketýi múmkin emes. Ǵasyr dertiniń aldynda álem medıtsınasy dármensizdik tanytyp otyrǵany belgili. Naýqas adam ózin kútimde ustap, ýaqytymen dári-dármegin qabyldaǵan jaǵdaıda ǵana aýrýdy dendetpeı bir qalypty ustaýǵa bolady. «Bul syrqatpen aýyratyndar úshin de memleketten qomaqty qarjy bólinýde. Mysaly, JITS-ke shaldyqqan bir adamnyń bir aılyq qabyldaıtyn dárisi 16 myń teńge turady. Ókinishtisi, osy múmkindikten bas tartatyn, ıaǵnı ortalyqqa kelýden, dári-dármegin qabyldaýdan bas tartatyn naýqastar bar. Osyndaı naýqastar úshin ortalyqta «Dostastyq kabıneti» jumys isteıdi. Kabınettiń atqaratyn qyzmeti keńes surap kelýshilerge juqpaly aýrýdyń aldyn alý sharalaryn túsindirý jáne qorǵanys quraldaryn durys paıdalanýdy úıretý. Kún saıyn 10-15 erikti adam ortalyq mamandarynyń keńesine júginedi», - deıdi ortalyq jetekshisi.