Qazaqstanda kúnbaǵys maıy óndirisiniń kólemi 10,2 paıyzǵa artty
QR aýyl sharýashylyǵy mınıstrligi baspasóz qyzmetiniń habarlaýynsha, mınıstrlik tarapynan ishki naryqtyń qajettiligin qamtamasyz etý, baǵany turaqtandyrý jáne qaıta óńdeý kásiporyndaryn júkteý maqsatynda 2021 jyldyń qyrkúıeginde kúnbaǵys tuqymdary men kúnbaǵys maıynyń eksportyna shekteýler engizildi.
Shekteý sharalaryn engizý nátıjesinde kúnbaǵys maıynyń bólshek saýda baǵasy turaqtandy. 2021 jyldyń qorytyndysy boıynsha tazartylǵan kúnbaǵys maıyn óndirý kólemi 2020 jylmen salystyrǵanda 10,2 %-ǵa artty.
2022 jyldyń ótken kezeńinde kúnbaǵys maıynyń eksporty ótken jyldyń sáıkes kezeńimen salystyrǵanda 4,8 ese artty (140,7 myń tonna jáne 28,9 myń tonna sáıkesinshe).
Jyl saıyn kúnbaǵys maıy eksportynyń jalpy kóleminiń shamamen 60 %-y Ózbekstanǵa jetkiziledi, bul rette kúnbaǵys maıyn ótkizý naryqtarynyń keńeıýi baıqalady. Dástúrli Ózbekstan, Aýǵanstan, Tájikstan, Qytaı elderinen basqa, kúnbaǵys maıyn Chehııa, Lıtva, Túrkııa elderine jetkizý júzege asyryldy.
«Shıkizat bazasyn damytýdy yntalandyrý úshin maıly daqyldardy óndirýshilerge memlekettik qoldaý sharalary kórsetilýde (maı tuqymdaryn óńdeýge tapsyrý, tuqym, tyńaıtqysh, pestıtsıdter satyp alýǵa sýbsıdııa berý jáne t. b.). Sonyń arqasynda ótken jyly kúnbaǵys egý alańy 200 myń gektarǵa ulǵaıdy. Bıylǵy jyly kúnbaǵys sebýdi 20,7 myń ga ulǵaıtý josparlanyp otyr»,-dep habarlaıdy QazAqparat.