Qazaqstanda kúnbaǵys dánin syrtqa áketýge shekteýler engizilýde

NUR-SULTAN. QazAKqparat - Bıylǵy 30 qyrkúıekke deıin Qazaqstan aýmaǵynan kúnbaǵys dánin áketýge kvotalar engizilýde. Bul týraly Memlekettik kirister komıteti málimdedi, dep habarlaıdy QazAqparat.

«Qazaqstan aýmaǵynan jekelegen taýarlardy áketýdiń keıbir máseleleri týraly» Aýyl sharýashylyǵy mınıstriniń m.a. 5 shildedegi buıryǵymen kúnbaǵys dánderin el aýmaǵynan áketýge sandyq shekteýler (kvotalar) engiziledi. Shekteýler 2022 jylǵy 8 shildeden bastap 30 qyrkúıekke deıin qoldanysta bolady. Bul sandyq shekteýler azyq-túlik qaýipsizdigin qamtamasyz etý maqsatynda engiziledi», - dep jazdy vedomstvodan.

Bul rette buıryq qoldanysqa engizilgen kúnge deıin QR jáne EAEO kedendik zańnamasyna sáıkes eksporttyń kedendik rásimi boıynsha ornalastyrylǵan jáne shyǵarylǵan taýarlar Qazaqstan aýmaǵynan kedergisiz áketýge jatady.

Foto:lizagubernii.ru