Qazaqstanda kún sýytady: úsh óńirde úsik júrýi múmkin
ASTANA. KAZINFORM — «Qazgıdromet» elimizdiń birqatar óńirinde úsik, tuman jáne qar jaýýy múmkin ekenin eskertti. Almaty, Qyzylorda jáne Jetisý oblystarynda aýa temperatýrasy -7 gradýsqa deıin tómendeýi yqtımal. Bul týraly TJM málim etti.
«Qazgıdromet» boljamyna sáıkes, elimizdiń basym bóliginde jaýyn-shashynsyz aýa raıy kútiledi. Alaıda soltústik, shyǵys óńirlerde jáne ońtústik-shyǵystyń taýly aımaqtarynda jańbyr men qar jaýady. Túnde elimizdiń shyǵysyndaǵy taýly aýdandarda qalyń qar jaýýy múmkin.
Respýblıkanyń soltústigi men ońtústik-shyǵysynda jel kúsheıedi. Túnde jáne tańerteń el aýmaǵynyń keı jerlerinde tuman kútiledi. Almaty, Qyzylorda oblystarynda jáne Jetisý oblysynda aýa temperatýrasy -1...-7 °C-qa deıin tómendep, úsik júrýi múmkin.
Іri qalalardaǵy aýa raıy:
- Astana: qubylmaly bultty, jaýyn-shashynsyz. Jel 2–7 m/s. Aýa temperatýrasy túnde -2...-4 °C, kúndiz +5...+7 °C.
- Almaty: qubylmaly bultty, jaýyn-shashynsyz. Jel 3–8 m/s. Aýa temperatýrasy túnde +3...+5 °C, kúndiz +16...+18 °C.
— Jolǵa shyǵar aldynda aýa raıy jaǵdaıyn eskerińizder, jol qozǵalysy jyldamdyǵyn saqtańyzdar, tuman kezinde asa muqııat bolyńyzdar jáne aýa raıynyń ózgerýine nazar aýdaryńyzdar, — dep eskertti TJM.
Buǵan deıin 3 qarashada Qazaqstannyń birneshe oblysynda tuman, kóktaıǵaq, úsik jáne qatty jel bolatyny habarlandy. Birqatar óńirde joǵary jáne tótenshe órt qaýpi saqtalady.
