Qazaqstanda kún saıyn obyr dertine baılanysty 82 oqıǵa tirkeledi
ALMATY. 6 aqpan. QazAqparat - Qazir basty nazar obyrdan kóz jumýdy tómendetý emes, syrqatty erte anyqtap, emdeýge aýdarylýda.
Qazaq onkologııa jáne radıologııa ǵylymı-zertteý ınstıtýtynyń strategııalyq máseleler jónindegi dırektory Tatıana Slajneva búgin Almatyda Dúnıejúzilik obyrmen kúres kúnine arnalǵan baspasóz máslıhatynda osylaı aıtty.
«Qazaqstanda qazir obyrmen aýyratyn 143 myń adam tirkeýde tur. Onyń ósý úrdisi Qazaqstanǵa ǵana emes búkil álemde uqsas. 2012 jyldyń qorytyndysy boıynsha biz jańadan 1716 adamdy anyqtadyq. Bul aýrýdy erte anyqtaý baǵdarlamasynyń nátıjesinde júzege asyp otyr», - deıdi D. Beıpeıisov. Onyń aıtýynsha, qazir onkologııalyq mekemelerdiń materıaldyq bazasyn nyǵaıtý, kadrlyq áleýetti kóterý, oqytý, daıyndaý jumystary júrip jatyr. Aǵymdaǵy jyldan bastap obyrdyń jańa túrlerine skırıngtik baǵdarlama júrgiziledi.
