Qazaqstanda kún raıy kúrt sýytýy múmkin - TJM

ASTANA. KAZINFORM – Elimizdiń birqatar óńirinde aldaǵy kúnderi aýa raıy kúrt nasharlaıdy, dep habarlady TJM baspasóz qyzmeti.

- Kóptegen soltústik jáne ortalyq oblystarda qar jaýyp, boran soǵady, tuman túsedi, jeldiń jyldamdyǵy 15-20 m/s jetedi, - delingen habarlamada.

Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan, Ulytaý jáne Abaı oblystarynda aýa temperatýrasy –25…–33 °C deıin tómendeıdi.

Astana qalasynda –24…–26 °C aıaz kútiledi.

Aıta keteıik, buǵan deıin aldaǵy kúnderi kún raıy qubylmaly bolatyny habarlanǵan bolatyn.