Qazaqstanda qumar oıyndardyń shyrmaýyna túskenderdiń sany qansha
NUR-SULTAN. QazAqparat - Parlament Senatynyń depýtaty Dana Nurjigitova oıyn bıznesi týraly zańnamany jetildirý boıynsha birqatar qadamdardy usyndy, dep habarlaıdy QazAqparat tilshisi.
Senatordyń aıtýynsha, depýtattarǵa azamattardan kóptegen ótinishter kelip túsedi, olar býkmekerlik keńselerdi jarnamalaýǵa qatysty zańnamalyq sharalar qabyldaýdy talap etedi.
«Jarnama týraly» qoldanystaǵy zańǵa sáıkes, kazıno men ınternet-kazıno qyzmetterin jarnamalaýǵa tyıym salynady. Biraq býkmekerlik keńselerdiń qyzmetterin jarnamalaýǵa tikeleı tyıym joq. Sondyqtan mundaı kompanııalardyń jarnamalary ınternette agressıvti túrde alǵa jyljýda. Osy faktini eskere otyryp, býkmekerlik kompanııalardy jarnamalaýǵa tolyq tyıym salý boıynsha qoldanystaǵy zańnamaǵa tıisti ózgerister engizý qajet», - dedi Dana Nurjigitova Úkimet basshysy Álıhan Smaıylovtyń atyna joldaǵan saýalynda.
Depýtattyń málimetinshe, Qazaqstanda qumar oıynshylardyń sany 350 myńnan asady, al bir oıynshynyń ortasha qaryzy 10 mln teńgeni quraıdy.
D. Nurjigitova bul máselege de nazar aýdarýdy surady. Ol sondaı-aq oıyn bıznesi sýbektileriniń áleýmettik jaýapkershiligin kúsheıtý boıynsha tıisti jumystar júrgizý qajettigin de atap ótti.
