Qazaqstanda «quldyqta bolǵan» fızık Reseıge oraldy
ASTANA. QazAqparat - Úsh jyl boıy Qazaqstanda quldyqta boldym degen novosibirlik fızık otanyna oraldy, dep habarlady newsru.com.
«ıÝrıı Obraztsov Almatydan Novosibirge ushyp keldi. Tolmachevo áýejaıynda er adamdy novosibirlik polıtsııa qyzmetkerleri kútip aldy. Іzdestirý sharalary jaqynda resmı túrde aıaqtalady, alaıda eki eldiń polıtsııasy novosibirliktiń joǵalyp ketýiniń sebebin anyqtap, sońǵy úsh jylda bolǵan jaıttyń mán-jaıyn anyqtaýy tıis», - delingen Reseı ІІM óńirlik bas basqarmasynyń habarlamasynda.
2014 jyly polıtsııaǵa 1962 jyly týǵan er adamnyń joǵalyp ketkeni týraly habar tústi. Іzdeý salǵan onyń aǵasy bolatyn. Joǵalǵan er adamǵa federaldy izdeý jarııalandy. 2017 jyly naýryz aıynyń basynda Novosibir polıtsııasyna Obraztsovtyń Qazaqstan aýmaǵynda júrgeni jaıly aqparat kelip tústi. Týystary ony fotosýretten tanydy.
Aıta keteıik, ótken aptada otandyq jáne reseılik buqaralyq aqparat quraldary Obraztsovty reseılik fızık ǵalym dep atap, onyń úsh jyl boıy Qazaqstanda quldyqta ustalǵandyǵyn jazǵan bolatyn.
Alaıda QR ІІM bul aqparatty rastaǵan joq .
«Dáriger-mamandarmen sóıleskende ol óziniń Novosibir oblysyndaǵy psıhodıspanserde esepte turǵanyn aıtqan. Mamandar suraǵyna jaýap bergende Almatyǵa kelgen soń odan ári Tashkentke ketý týraly josparyn da jetkizgen. Ol bir aýyldan ekinshi aýylǵa birde jaıaý, birde túrli kólikke minip júre bergen. Eshkim ony kúshtep ustamaǵan. Úsh jyl boıy qaıda bolǵany, qaıda turǵany týraly suraqqa jaýap bere almaǵan. Sot-medıtsınalyq saraptama júrgizildi, onyń denesinen eshqandaı jaraqat anyqtalmady. Sotqa deıingi tergeý jalǵasýda», - dep jazǵan bolatyn QR ІІM Memlekettik til jáne aqparat departamentiniń dırektory Almas Sadýbaev.
Onyń jazýynsha, reseılik azamat ıÝrıı Obraztsov 2014 jyldyń sáýirinde Almatyǵa Novosibirden poıyzben kelgen.
