Qazaqstanda quqyq qorǵaý organdary qyzmetkerlerin attestattaý jyl saıyn ótkizilmek
ASTANA. 24 jeltoqsan. QazAqparat - Qazaqstanda quqyq qorǵaý organdary qyzmetkerlerin attestattaý jyl saıyn ótkizilmek. Bul - kezekten tys attestattaý nátıjeleri barysynda jasalǵan sharanyń biri.
Attestattaý komıssııalary jumysynyń nátıjelerin taldaý qorytyndylary boıynsha kezekten tys attestattaýdy ótkizý barysynda anyqtalǵan kemshilikterdi joıýǵa jáne quqyq qorǵaý organdarynyń kadrlyq saıasatyn jetildirýge baǵyttalǵan sharalar kesheni ázirlendi.
Atalmysh sharalar keshenin búgin Aqordada QR Prezıdenti Ákimshiliginiń quqyq qorǵaý júıesi bóliminiń meńgerýshisi Alık Shpekbaev málim etti.
Olardyń negizgisi: jas mólsherin ulǵaıtý jáne bir organnan basqasyna aýysqan kezde biryńǵaı talaptardy belgileý; basshylyq quram úshin biliktilik talaptardy ózgertý; qyzmetkerlerdiń aqshalaı úlesin jáne zeınetaqymen qamsyzdandyrylýyn arttyrý (2013 jylǵy 1 qańtardan bastap arnaıy ataqtar men synyptyq shender úshin qosymsha tóleý áskerı ataqtar úshin eńbekaqy mólsherine deıingi mólsherge jetkiziledi; sáýirde aqshalaı úlesi men zeınetaqymen qamsyzdandyrylýdy ósirý jónindegi jospardy qabyldaý); joǵary turǵan laýazymdarǵa konkýrstan tys taǵaıyndaý tetigin belgileý.
«Sondaı-aq quqyq qorǵaý organdarynyń qyzmetkerleri úshin kezekti attestattaýlar arasyndaǵy araqashyqtyqty 3 jyldan 1 jylǵa deıin qysqartýdy, qyzmetkerler qoǵamdyq pikir týdyratyn, júıeli qylmystardy ne sybaılas jemqorlyq quqyq buzýshylyqtardy jasaǵan jaǵdaıda, keıbir bólimsheler úshin kezekten tys attestattaýdy ótkizý, sondaı-aq jańa qyzmetterdi ashý krıterıılerin zańnamalyq túrde belgileýdi, polıtsııa syrtqy qyzmetteriniń bólimshelerine qyzmetke qabyldaý úshin boıy men tıisti dene ólshemderi boıynsha biliktilik talaptardy arttyrýdy kózdeýde», - dep atap ótti A.Shpekbaev.
Onyń aıtýynsha, barlyq joǵaryda atalǵan usynystardy Memleket basshysy qoldady, «Qazaqstan-2050» strategııasy qalyptasqan memlekettiń jańa saıası baǵyty» atty Qazaqstan halqyna Joldaýynyń sheńberinde iske asyrylady.
