Qazaqstanda quqyq qorǵaý kúshteriniń daıyndyǵyn tekserýden respýblıkalyq jattyǵý ótýde
Jattyǵýǵa Prezıdent kómekshisi - Qazaqstan Respýblıkasy Qaýipsizdik Keńesiniń Hatshysy Q.P.Qojamjarov jetekshilik etedi. Sharaǵa ishki ister organdary qyzmetkerleri jáne ishki ásker áskerı qyzmetshilerimen qosa, Tótenshe jaǵdaılar mınıstrliginiń órtke qarsy qyzmeti men basqa da bólimderiniń, kólik jáne basqa uıymdardyń qyzmetkerleri tartylyp otyr. Jattyǵý jospary boıynsha memlekettik organdardyń ózara is-qımyldary, polıtsııa men apattyq-qutqarý qyzmetteriniń tehnıkalyq jaraqtalýy, tótenshe oqıǵalar oryn alǵan jaǵdaıdaǵy olardyń is-áreket daǵdylary tekseriledi. Jattyǵýdyń barysyn Úkimet basshysy K.Másimov qadaǵalaıdy. Kúshter men quraldardyń daıyndyǵyn Qaýipsizdik Keńesiniń ınspektsııasy tekseredi. Jattyǵý qorytyndysy boıynsha memlekettik organdardyń is-qımyldaryna baǵa beriledi jáne anyqtalǵan kemshilikterdi joıý boıynsha mindet qoıylady.