Qazaqstanda Kitaphanashylar men Ulttyq kitap kúni 23 sáýirde birge atap ótiledi
ASTANA. KAZINFORM — Qazaqstanda Kitaphanashylar kúnin atap ótý tártibine ózgeris engizildi, dep habarlaıdy Mádenıet jáne aqparat mınıstrliginiń baspasóz qyzmeti.
— Endi kásibı mereke 23 sáýirge belgilendi. Bul kún Memleket basshysy Qasym-Jomart Toqaevtyń bastamasymen bekitilgen Ulttyq kitap kúnimen sáıkes keledi. Merekelerdiń osylaısha bir kúnge toǵysýy onyń mán-mańyzyn arttyra túsip, kitaphanalardyń bilim taratý men mádenı murany saqtaýdaǵy orny erekshe ekenin aıqyndaıdy, — delingen vedomstvo taratqan aqparatta.
Jańa kúnniń belgilenýi kitap mádenıetiniń qoǵamdyq jáne kásibı mańyzyn ushtastyryp qana qoımaı, is-sharalardy joǵary deńgeıde uıymdastyrýǵa múmkindik beredi.
Qazirgi tańda Qazaqstanda 12 myńǵa jýyq kitaphana jumys isteıdi. Bul salada 20 myńnan astam maman eńbek etedi.
Aıta keteıik, bul kún ıÝNESKO bekitken Halyqaralyq kitap jáne avtorlyq quqyq kúnimen de sáıkes keledi.
Budan buryn ulttyq elektrondy kitaphanany 227 myńnan astam oqyrman paıdalanǵanyn jazdyq.
