Qazaqstanda krıptovalıýta saýdalaýshylar 5 mlrd teńgege jýyq salyq tólemegen

ASTANA. KAZINFORM – Memlekettik kirister komıteti elde tsıfrlyq maınıngti retteý jumystary qalaı júzege asyrylyp jatqany týraly aıtyp berdi.

Memlekettik kirister komıtetiniń málimetteri boıynsha, Qazaqstanda búgin resmı túrde 75 maıner tirkelgen. Keıingi 3 jylda olardyń qyzmetterinen túsýi tıis salyq kólemi 17,7 mlrd teńgeni qurady. Sonyń ishinde tsıfrlyq maınıng úshin tólemder 11,6 mlrd teńge boldy. 

- 2024 jylǵy salyqtyq tekserýler kezinde birshama kemshilikter anyqtalyp, taǵy 4,9 mlrd teńge salyq tólendi. Olardyń 2,3 mlrd teńgesi tsıfrlik maınıng úshin, al 2,6 mlrd teńgesi korporatıvti kiris salyǵyna kiredi, - dep habarlady Memlekettik kirister komıteti.

Sonymen qatar tsıfrlyq maınıng úshin tólemderge júrgizilgen kameraldyq baqylaý barysynda bıýdjetke qosymsha 451 mln teńge tústi.

- Atalǵandarmen qosa krıptovalıýta satqan azamattardyń kiristerin azaıtyp kórsetý jaǵdaılary anyqtaldy. Nátıjesinde olarǵa 4,3 mlrd teńgege qosymsha salyq salyndy, - dep málim etti vedomstvo ókilderi.

Osyǵan deıin krıptovalıýtanyń «sur» aımaqtan shyǵýyna 2 jyl ketýi múmkin ekeni týraly jazyldy.