Qazaqstanda kirme temirjol joldaryndaǵy qaýipsizdik talaptary kúsheıtilmek
ASTANA. KAZINFORM — Qazaqstannyń Kólik mınıstrliginde kirme temirjol joldaryndaǵy qozǵalys qaýipsizdigin arttyrý máseleleri qaraldy. Jumys toby normatıvtik talaptardy jańartý, baqylaýdy kúsheıtý jáne zańbuzýshylyqtardyń aldyn alý sharalaryn talqylady.
Otyrysqa Kólik mınıstrliginiń Ulttyq ekonomıka mınıstrliginiń, «Qazaqstan temir joly» UK» AQ-nyń qurylymdyq bólimsheleriniń, «Atameken» UKP-nyń, salalyq qaýymdastyqtar men temirjol kóligi kásiporyndarynyń ókilderi qatysty.
Otyrysqa qatysýshylar qozǵalys qaýipsizdigin buzýdyń negizgi sebepterin taldap, kirme joldarda qozǵalys qaýipsizdigin qamtamasyz etý jónindegi normatıvtik quqyqtyq bazany ózektendirý máselelerin qarady.
Vedomstvoaralyq jáne salalyq ózara is-qımyldy nyǵaıtýǵa, onyń ishinde anyqtalǵan buzýshylyqtar týraly jedel aqparat almasýǵa jáne birlesken profılaktıkalyq sharalar qabyldaýǵa erekshe nazar aýdaryldy.
Otyrys qorytyndysy boıynsha odan arǵy jumystyń basym baǵyttary aıqyndaldy. Olar buzýshylyqtardyń aldyn alý tetikterin jetildirýge, baqylaýdyń tıimdiligin arttyrýǵa jáne kirme temirjol joldaryn qaýipsiz paıdalanýdy qamtamasyz etýge baǵyttalǵan.
Eske sala keteıik, Qazaqstanda aldaǵy úsh jylda 2,5 myń shaqyrym jańa temirjol salynbaq.
