Qazaqstanda krımınogendik jaǵdaı turaqty - Erlan Turǵymbaev
NUR-SULTAN. QazAqparat - Elimizdiń krımınogendik jaǵdaıy turaqty. Bul týraly halyqqa esep berý kezdesýinde Іshki ister mınıstri Erlan Turǵymbaev aıtty, dep habarlaıdy QazAqparat tilshisi.
«Jalpy alǵanda elimizdiń krımınogendik jaǵdaıy turaqty, baqylaýda. Jyl basynan beri qylmys sany 9 paıyzǵa qysqardy (110 myńǵa deıin). Sonyń ishinde asa aýyr qylmystar 7,7 paıyzǵa, aýyrlyǵy ortasha qylmys 12,4 paıyzǵa jáne aýyr emes qylmystardyń sany 4,7%-ǵa qylmystar azaıdy. Kisi óltirý, qaraqshylyq shabýyl, tonaý, urlyq, buzaqylyqtar da tómendedi», - dedi Erlan Turǵymbaev.
Mınıstrdiń aıtýnsha, kóshelerde jáne qoǵamdyq oryndarda, sondaı-aq jasóspirimder tarapynan, mas kúıinde jasalǵan jáne atys qarýyn qoldanǵan qylmystardyń sany da qysqardy.
«Osy jyly mınıstrlik úshin - erekshe jyl. Elbasy men Memleket basshysynyń tapsyrmasy boıynsha biz salany jańǵyrtý baǵyttarynda birshama jumys júrgizip jatyrmyz», - dedi mınıstr.
