Qazaqstanda kredıt alǵandardyń quqyǵy qalaı qorǵalady

ALMATY. QazAqparat- QR Qarjy naryǵyn retteý jáne damytý agenttigi qaryzdar men mıkrokredıtti óteýde qıyndyqqa tap bolǵan qaryz alýshylardyń quqyǵyn qorǵaý sharalary jaıly málimet berdi, dep habarlaıdy QazAqparat tilshisi.

1 qazannan bastap qıyndyqqa tap bolǵan qaryz alýshylardyń quqyǵyn qorǵaý úshin bankter men MQU úshin azamattardyń merzimi ótken bereshegin retteýdiń mindetti tetigi zańnamalyq túrde engizilgen.

Agenttikte málim etkendeı, problemalyq bereshekti retteý rásimin bastaý úshin qaryz alýshy kredıtorǵa, ıaǵnı, bankke nemese MQU-ǵa tıisti ótinishpen júginýge tıis.

Ótinishte rastaıtyn qujattar qosa berile otyryp, TAÁ, JSN, baılanys derekteri, qaryz týraly málimetter, merzimin ótkizip alýdyń týyndaý sebepteri kórsetilýge tıis.

Azamattarǵa yńǵaıly bolý úshin qaryz alýshylar ótinishterdi jazbasha da, qashyqtan da, ıaǵnı, resmı ınternet-resýrstar jáne kredıtordyń elektrondyq poshtasy arqyly bankter men MQU-nyń bólimshelerine barmaı-aq bere alady.

Ótinish pen rastaıtyn qujattardy alǵan kúnnen bastap, kúntizbelik 15 kún ishinde bankter men MQU boryshkerdiń qarjylyq jáne áleýmettik jaǵdaıyn jeke tártippen taldaıdy.

Kórsetilgen merzimde qaryz alýshyǵa banktiń nemese MQU-nyń qaryzdy qaıta qurylymdaý talaptarymen kelisetini týraly habarlanýǵa tıis.

Kredıtor qaryzdy qaıta qurylymdaý talaptary boıynsha kelisken kezde bankter men MQU kelesi kúntizbelik 15 kún ishinde qaryzdy nemese mıkrokredıtti óteýdiń jańa kestesin qabyldaı otyryp, qaryz nemese mıkrokredıt shartynyń talaptaryna qajetti ózgerister engizýge mindetti.

Banktik qaryz nemese mıkrokredıt shartynyń talaptaryn ózgertý týraly ózara qolaıly sheshimge qol jetkizilmegen jaǵdaıda, qaryz alýshy Qarjy naryǵyn retteý jáne damytý agenttigine júginýi kerek.

Qaryz alýshynyń ótinishi negizinde Agenttik qarjy uıymyna qatysty qujattamalyq tekserýge bastama jasaıdy, onyń sheńberinde kredıtordyń problemalyq bereshekti jáne qaryz alýshylardyń quqyqtaryn retteý protsesine qoıylatyn zańnamalyq talaptardy saqtaýyna taldaý júrgizetin bolady.

Agenttikke mynadaı tásildermen júginýge bolady:

Elektrondy úkimet portaly arqyly. «Elektrondyq ótinishter» servısinde «Onlaın qyzmetke tapsyrys berýdi» tańdaý qajet jáne rastaıtyn qujattardy qosa bere otyryp, ótinish mátinin toltyrady.

eOtinish elektrondyq servısiniń kómegi arqyly. Ótinish berý eGov qosymshasy arqyly júzege asyrylady, «Ótinish berý» servısinde «Ótinish»-ti tańdap, ótinish mátinin toltyrady.

Bankter men MQU mekenjaıy men telefonyn osy siltemeden tabýǵa bolady.