Qazaqstanda kreatıvti ındýstrııada 156,7 myń adam jumys isteıdi

Úkimet málimetinshe, Qazaqstan Dúnıejúzilik zııatkerlik menshik uıymynyń (WIPO) reıtınginde kreatıvti taýarlar men qyzmetter boıynsha 65-orynnan 61-orynǵa, al kınoóndiris boıynsha 31-orynnan 29-orynǵa kóterildi.

– Kreatıvti ındýstrııalardy qoldaý qory iske qosyldy. Onyń negizgi maqsaty – 2029 jylǵa qaraı sektordyń jalpy ishki ónimdegi úlesin 2%-ǵa deıin ulǵaıtý, eksport kólemin 115 mln AQSh dollaryna jetkizý, bıznes sýbektileriniń sanyn 60 myńǵa, al salada jumyspen qamtylǵandar sanyn 180 myń adamǵa deıin arttyrý, – delingen Úkimet habarlamasynda.

Sonymen qatar tarıhı-mádenı murany saqtaý jáne nasıhattaý baǵytyndaǵy jumystar jalǵasýda. ıÝNESKO-ǵa «Ústirt: landshafttar jáne ańshylyq tor-tuzaqtar» nomınatsııasy usynylyp, M. Áýezov atyndaǵy Qazaq ulttyq drama teatryn jańǵyrtý bastaldy. Sondaı-aq 2026–2028 jyldarǵa arnalǵan ıÝNESKO jáne ISESKO aıasyndaǵy mádenı murany saqtaý jónindegi keshendi jospar bekitildi.

Úkimettiń málimetinshe, otandyq shyǵarmashylyq ujymdar Sıngapýr, Vena, Beıjiń jáne Antalııa qalalarynda gastroldik saparmen óner kórsetti. Almaty qalasynda mádenıet salasynyń qyzmetkerlerine 60 páter berildi.

Elimizdegi 5,8 mln jasty qoldaý maqsatynda «Naýryz», «Otaý» jáne «Naýryz jumysker» baǵdarlamalary arqyly jalpy bıýdjeti 389,3 mlrd teńge kóleminde 14 635 jas jeńildetilgen turǵyn úıge qol jetkizdi. Jastar arasyndaǵy jumyssyzdyqty azaıtý úshin «Jol Tap», «Jumys Tap» jáne «Talaptan» jobalary iske asyrylyp jatyr.

– Memleket basshysy Qasym-Jomart Toqaevtyń bastamasymen BUU 2026 jyldy Halyqaralyq eriktiler jyly dep jarııalady. Qazirgi tańda elimizde 810 volonterlik uıym jumys isteıdi. Olar 300 myń azamatty biriktiredi. Qazaqstandyq eriktiler Kenııa, Túrkııa, Taıland, Argentına jáne Qytaıdaǵy BUU mıssııalaryna qatysyp júr, – dep atap ótti Úkimet.

Aıta keteıik, Soltústik Qazaqstannyń kreatıvti ındýstrııasy 4,9 mln teńgeniń ónimin ótkizdi.