Qazaqstanda QR Prezıdenti janynan ádebıet jáne mádenıet keńesi qurylýy yqtımal
ASTANA. QazAqparat - Qazaqstanda QR Prezıdenti janynan ádebıet jáne mádenıet keńesi qurylýy yqtımal. Bul týraly búgin 5 ınstıtýtsıonaldyq reformany júzege asyrý barysyna arnalǵan Ortalyq kommýnıkatsııalar qyzmetiniń brıfıngisinde Májilis depýtaty Murat Ahmadıev málim etti.
«Memleket Basshysy óziniń «Qazaqstan-2050» atty halyqqa joldaýynda Qazaqstanda mádenı saıasattyń tujyrymdamasyn jasaqtaýdy jáne ony bekitýdi tapsyrǵan bolatyn. Mádenı saıasatty júzege asyrý máselesinde keńes berýshi organ retinde, basqarý jáne mádenı klasterdi qurý jumysyn úılestirý úshin QR Prezıdenti janynan ádebıet jáne mádenıet keńesi qurylýy yqtımal», - dedi M. Ahmadıev.
Onyń aıtýynsha, eldegi mádenıettiń damýyna Qazaqstan halqy Asambleıasy da úlken úles qosatyn bolady.
«Birtekti mádenıet qalyptastyrýda Qazaqstan halqy assambleıasy óziniń «Bir el - bir otbasy» aýqymdy sharasy arqyly úlken septigin tıgize alady. Onyń aıasynda elimizdiń qazirgi zamanǵy mádenıeti men tarıhy týraly fılmder, hıkaıalar, arnaıy baǵdarlamalar túsiriledi», - dedi M.Ahmadıev.
