Qazaqstanda QR Parlamenti Senatyna saılaýǵa úmitkerlerdi usyný aıaqtaldy
ASTANA. QazAqparat - QR Parlamenti Senatyna depýtattyqqa 88 úmitker usynyldy. Bul týraly búgin Ortalyq saılaý komıssııasynyń (OSK) baspasóz hatshysy Venera Jeksembekova málim etti.
«31 tamyzda úmitkerlerdi usyný toqtatyldy. 2014 jyldyń 2-31 tamyzy aralyǵynda QR Parlamenti Senatyna depýtattyqqa 88 úmitker usynyldy», - dep atap ótti ol brıfıng barysynda.
V.Jeksembekovanyń aıtýynsha, 2008 jylǵy Senat saılaýyna da - 88, al 2011 jylǵy saılaýǵa - 92 úmitker usynylǵan.
OSK málimetteri boıynsha, bıylǵy saılaýda eń kóp úmitker Almaty qalasynan tirkeldi (9 adam). Al Aqtóbe men Almaty oblystarynan - 7 úmitkerden. Aqmola, Qaraǵandy jáne Soltústik Qazaqstan oblystarynan jáne Astana qalasynan 6 úmitkerden usynyldy. Jambyl, Qyzylorda, Mańǵystaý, Pavlodar jáne Ońtústik Qazaqstan oblystarynan 5-ten, Atyraý, Shyǵys Qazaqstan, Batys Qazaqstan jáne Qostanaı oblystarynan 4-ten úmitkerler usynyldy.
«Bir úmitker óz ótinishi boıynsha tirkeýge deıin úmitkerlikten shyqty, al taǵy bireýi tirkeýden keıin úmitkerlikten bas tartty. Sonymen qatar taǵy bir úmitker Konstıtýtsııa jáne QR saılaý zańnamalaryna tolyq sáıkes kelmeýine baılanysty shyǵaryldy», - dedi V.Jeksembekova.
Senat saılaýyna usyný kezinde máslıhattar 15 úmitkerdi usynsa, 73 azamat ózin-ózi usyný quqyǵyn paıdalanǵan.
