Qazaqstanda QR Parlament Senaty depýtattarynyń saılaýy ótedi
ASTANA.QazAqparat - Búgin, 1 qazanda, Qazaqstanda QR Parlament Senaty depýttarynyń saılaýy ótedi, dep habarlady QR OSK saıtynda.
«QR Prezıdenti Nursultan Nazarbaevtyń Jarlyǵyna sáıkes, Qazaqstan Respýblıkasynyń Parlament Senatyna depýtattar saılaýy 1995 jylǵy 28 qyrkúıektegi «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańynyń 69 babymen, Qazaqstan Respýblıkasy Konstıtýtsııasynyń 44 babynyń 2 tarmaqshasyna sáıkes 2014 jyldyń 1 qazanyna belgilengen», - delingen habarlamada.
Eske sala keteıik, Senat depýtattarynyń saılaýyna 39 úmitker qatysady.
Kúntizbelik josparǵa sáıkes, 29 qyrkúıek, 24.00-de úmitkerlerdiń saılaýaldy úgit-nasıhat jumystary aıaqtaldy. Úgit-nasıhat sharasynyń aıasynda saılaýshylarmen 11-29 qyrkúıek aralyǵynda aımaqtarda 266 kezdesý ótti. 30 qyrkúıek, sonymen birge daýys berý kúni - 1 qazanda kez kelgen saılaýaldy úgit-nasıhatqa tyıym salyndy.
Saılaý zańnamasynyń talabyna sáıkes qazirgi ýaqytta tańdaýshylardyń barlyq tizimi jergilikti buqaralyq aqparat quraldarynda jarııalandy. Tańdaýshylardyń birlesken otyrysy eger oǵan oblystyń barlyq máslıhattarynan saılanǵan depýttardyń 50 paıyzdan astamy qatyssa zańdy bolyp sanalady.
Daýys berý ótti dep sanalý úshin, oǵan tańdaýshylardyń birlesken otyrysynda 50 paıyzdan astamy qatysýy kerek. Saılaýǵa qatysqan tańdaýshylar daýsynyń 50 paıyzdan astamyn jınaǵan úmitker saılanǵan dep sanalady.
Eger daýys berýdiń birinshi kezeńinde, oǵan eki úmitkerden artyq qatysý shartymen olardyń eshqaısysy jeńiske jetetin daýys mólsherin jınamasa, dál sol kúni daýys berýdiń ekinshi kezeńi ótedi, oǵan tek basqa kandıdattarmen salystyrǵanda kóbirek daýys jınaǵan eki úmitker qatysady. Qaıtalap daýys berý úshin bıýlletenge olardyń tegi ǵana qosylady. Ekinshi kezeńde basqa úmitkerge qaraǵanda tańdaýshylar daýysynyń kóp sanyn jınaǵan úmitker jeńimpaz bolyp sanalady, dep habarlady OSK.
Qazaqstan Parlamentiniń Senaty 47 depýtattan turady, olardyń ishinde 32 senator barlyq deńgeıdegi máslıhattardyń tańdaýshy-depýtattarynyń saılaýynda: eldiń árbir 16 aımaǵynan Senatqa eki depýtattan prıntsıpi boıynsha saılanady. Taǵy 15 senatordy Memleket basshysy Senatta qoǵamnyń ulttyq-mádenı jáne basqa mańyzdy múddeleri qajettiligin eskere otyryp taǵaıyndaıdy.
Senat depýtattarynyń ókilettik merzimi - 6 jyl.
