Qazaqstanda QR kásipkerleriniń ulttyq palatasy quryldy

ASTANA. 9 qyrkúıek. QazAqparat - Qazaqstanda QR kásipkerleriniń ulttyq palatasy quryldy. Osyǵan oraı búgin Astanada QR Úkimeti men Atameken odaǵynyń birlesken sheshimi rásimdeldi.

Osydan keıin QR kásipkerleriniń ulttyq palatasy prezıdıýmynyń birinshi otyrysy ótti. Onda atalǵan qurylymdy uıymdastyrý máseleleri qaraldy. Prezıdıým men basqarma tóraǵalary saılandy. Osylaısha, jıynǵa qatysqan barlyq mınıstrler men kásipkerlerdiń qoldaýymen QR kásipkerleriniń ulttyq palatasy prezıdıýmy tóraǵasynyń qyzmetine Tımýr Qulybaev saılandy. Al Atameken odaǵynyń basshysy Abylaı Myrzahmetov palata basqarmasynyń basshysy qyzmetine taǵaıyndaldy. Aıta keteıik, aǵymdaǵy jyly shildeniń 5 kúni «QR kásipkerleriniń ulttyq palatasy týraly» zań qabyldanǵan bolatyn. Palatanyń negizgi maqsaty - otandyq kásipkerlerdiń quqyǵyn qorǵaý. Osyǵan baılanysty barlyq óńirlerde palata fılıaldaryn ashý josparlanyp otyr. Prezıdıým tóraǵasy T. Qulybaev atap kórsetkenindeı, palata quramyndaǵy 16 komıtet pen 16 aımaqtyq keńesti qurý jumysy aldaǵy qazan aıynda aıaqtalatyn bolady.