Qazaqstanda qoı sany 2021 jylǵa qaraı 3 mıllıonǵa ósedi
ASTANA. QazAqparat - Qoı terisin óndeý deńgeıi óte tómen bolyp tur. Bul týraly Parlament Májilisinde «Agroónerkásiptik keshendi damytý kartalary - aýyl sharýashylyǵyn memlekettik qoldaýdy jetildirý jónindegi odan ári sharalar» taqyrybyndaǵy Úkimet saǵatynda taratylǵan málimetterden belgili boldy, dep habarlaıdy QazAqparat.
QR Aýyl sharýashylyǵy mınıstrligi málimetinshe, júrgizilgen taldaýlar jyl saıyn 7,8 mln teri shyǵarylatynyn, onyń tek 2 paıyzy ǵana óńdeletinin kórsetti. Al olardy óńdeıtin 5 zaýyt tek 5,5 paıyzǵa (3,0 mln teri) ǵana júktelgen.
«Búgingi kúni jún óńdeıtin kásiporyndar shamamen 12,7 paıyzǵa júktelgen. Bul rette júnniń 10 paıyzy ǵana óńdeledi»,-dep atap ótilgen vedomstvo málimetinde.
Osyǵan baılanysty mal soıý pýnktteri janynan jańadan 30 jún daıyndaıtyn jáne 135 teri daıyndaıtyn beketterdi qurý kózdelip otyr. Sondaı-aq, 2 531 shalǵaıdaǵy jaıylym ýchaskesi men 1 747 qoldan uryqtandyrý pýnktin qurý josparlanýda.
«Jumys istep turǵan 2 kásiporyndy jańǵyrtý jáne júnniń barlyq túrin keshendi qaıta óńdeýge múmkindik beretin zamanaýı tehnologııalardy qoldana otyryp, 1 zaýyt salý kózdelýde. Nátıjesinde, mal basy 2021 jylǵa qaraı 2,7 mıllıonǵa, al qoı sharýashylyǵy ónimi 2 esege (123 mlrd teńge) ósedi», - delingen QR AShM josparynda.
