Qazaqstanda qosymsha qun salyǵyn ákimshilendirýdiń jańa ádisteri ázirlenýde

ASTANA. QazAqparat - Qazaqstanda «Blokcheın» tehnologııasyn qoldanyp, qosylǵan qun salyǵyn ákimshilendirýdiń jańa ádisterin engizý jumystary júrgizilýde. Bul týraly búgin QR Úkimetiniń otyrysynda elimizdiń Qarjy mınıstri Baqyt Sultanov aıtty, dep habarlaıdy QazAqparat.

«Biz «Aqparattyq tehnologııalar parki» derbes klasterlik qorymen, ІVM-men jáne PraısÝoterHaýs yntymaqtasa otyryp, «Blokcheın» tehnologııasyn qoldanyp, qosylǵan qun salyǵyn ákimshilendirýdiń jańa ádisterin engizý jónindegi jumysty júrgizip jatyrmyz.

Barlyq jumystar keste boıynsha júrgizilýde. Aǵymdaǵy jylǵy tamyzda jańa aqparattyq júıeniń balamasyn iske qosýdy josparlap otyrmyz», - dedi ol.

Onyń aıtýynsha, Qazaqstan Premer-Mınıstriniń AQSh-qa sapary qorytyndysy boıynsha «Aqparattyq tehnologııalar parki» derbes klasterlik qory men ІVM birlesken zerthanasyn qurý jóninde tapsyrma berilgen.

«Barlyq qajetti jumystar júrgizildi. Sizdiń tóraǵalyq etýińizben «Aqparattyq tehnologııalar parki» derbes klasterlik qory Basqarý komıtetiniń otyrysyn ótkizý qajet», - dedi Baqyt Sultanov.

Osy rette Úkimet basshysy Baqytjan Ábdiruly oǵan tıisti usynystardy Premer-Mınıstr keńsesine engizýdi tapsyrdy.