Qazaqstanda qosymsha bilim berý boıynsha bala basyna qansha qarjy bólinedi

«Qosymsha bilim berý týraly memlekettik tapsyrys aıasynda 1 balaǵa bólinetin qarjynyń kólemi ár óńirdegi jergilikti atqarýshy organdardyń qaýlysyna sáıkes aıqyndalyp, bekitiledi. Qolda bar aqparat boıynsha qazirgi ýaqytta bir balaǵa memlekettik tapsyrystyń aılyq ortasha quny 16 myń teńgeden asyp túsedi. Qabyldanyp jatqan sharalar negizinde elimizdegi barlyq oqýshylardyń 69,4% -yn qosymsha bilim berýmen qamtý kózdelip otyr», - delingen aqparatta.
Sondaı-aq, mektep oqýshylarynyń sporttyń qaı túrine úıir ekeni belgili boldy.
«Qosymsha bilim berý aıasynda barlyq oqýshylardy mektep bazasynda tegin sportpen shuǵyldanýǵa múmkindik beretin tıisti sharalar qabyldanyp jatyr. Búginde 1 343 000 oqýshy (bul elimizdegi barlyq oqýshylardyń 39,5%) 42 525 sektsııa boıynsha túrli sport túrimen shuǵyldanyp jatyr. Onyń ishinde 40 myńǵa jýyq sporttyq sektsııa tegin. Ásirese mektep oqýshylary arasynda voleıbolǵa, (7268 sektsııa), shahmat-doıbyǵa (6618 sektsııa), fýtbolǵa (6509 sektsııa), ulttyq sport túrlerine (5478 sektsııa), basketbolǵa (5326 sektsııa), tennıske (3175 sektsııa) jáne kúrestiń birneshe túrine (2055 sektsııa) qyzyǵýshylyqtary basym», - degen jaýap berildi vedomstvodan.
Óskeleń urpaq arasynda sportty nasıhattaý barysynda atalǵan mınıstrlik engizip otyrǵan taǵy bir jańashyldaq mektepte sporttyq sektsııany júrgizetin dene shynyqtyrý pán muǵalimderine jalaqysynan bólek qosymsha ótemaqy tólenedi.
Buǵan deıin bıyl qosymsha 30 myńnan astam oqýshy úıirme men sporttyq sektsııamen qamtylǵanyn habarlaǵan edik.