Qazaqstanda kóship-qoný qyzmetiniń quny qansha
ASTANA. KAZINFORM – Kóship-qoný úlken sharýa jáne qazaqstandyqtar biraz shyǵyndalady. Júk tasymaly qyzmetine ondaǵan myń teńge tóleýi múmkin, dep habarlaıdy Kazinform agenttiginiń tilshisi.
Daıyndyq qalaı júredi?
Júk tasıtyn kezde birneshe faktordy este ustaǵan jón. Júk kólemine qaraı kólik túrýin tańdaýǵa týra keledi. Máselen júkti jabyq kólikte tasyǵan durys. Onyń kólemi ártúrli bolady. Mundaıda jıhaz kólemi men sany, qala ishindegi qashyqtyq eskeriledi.
Keıde iri kólemdi qoqys shyǵaratyn júk kóligi qajet bolady. Árıne ol qyzmettiń baǵasy ózge. Júk tasymaldaýshy qoqys polıgony tarıfin qosa eseptep beredi.
Sonymen birge eger júk kóteretin adam bolmasa, oǵan qosymsha aqy alady. Ol úshin aldyn ala eskertip, qosymsha qyzmet kórsetetin adamdy erte kelýdi suraısyz. Júk kóterep, tasıtyn adamdar kóbine 4 000 teńge alady. Jıhaz, tońazytqyshty bir adamnyń kótere almaıtyny anyq. Kem degende eki adamnyń kómegi kerek bolady.
Eskere keterlik jaıt, júk kóliginiń qyzmeti saǵatyna qaraı esepteledi. Sondyqtar jıhaz, kereýet, turmystyq tehnıka men asa aýyr zattardy aldymen esik aldyna shyǵaryp, daıyndap alǵan abzal. Eger daıyndyq bolmasa, kólik ıesi ár saǵatyn sanap, soǵan saı aqysyn alady. Shyǵyndy eselemes úshin bárin aldyn ala josparlaǵan abzal.
Qorytyndylaı kele tasymaldaý qyzmetine júk kólemi men barar jerdiń araqashyqtyǵy áser etetinin esten shyǵarmaǵan jón. Oǵan júk kóteretin adamdardyń qyzmet aqysyn qosý kerek.
Júk tasymaldaý quny
Reıtıng kezinde bir saǵat ishinde júk tasymaldaý aqysy esepteldi. Eń arzany Aqtaý qalasynda bolyp shyqty. Munda tasymal quny 1 500 teńgeden bastalady. Odan keıingi orynda Shymkent qalasy tur. Munda 2 000 teńge jáne odan joǵary. Shymkent qalasy iri megapolıs ekenin eskergen jón.
Qaraǵandy, Taraz, Óskemen men Aqtóbe qalalarynda 2 500 teńgeden bastalady. Este saqtańyz, qyzmet aqysy tómen bolsa kóp júk tıep alatyn kólik kútýdiń qajeti joq. Bul GAZel kóliginiń qyzmet quny.
Astana men Taldyqorǵanda júk tasymalynyń quny odan sál joǵary. Munda júrgizýshiler saǵatyna 2 800 teńge alady.
Elimizdegi kóp óńirde tasymaldaý qyzmetiniń quny – 3 000 teńge. Qostanaı, Oral, Pavlodar, Semeı, Atyraý, Kókshetaý, Túrkistan, Ekibastuz jáne Almatyda baǵa osyndaı.
Al Jezqazǵan qalasynda eń arzany 3 500 teńgeden bastalady. Soǵan qaramastan Qazaqstannyń kez kelgen qalasynda ár júrgizýshimen jeke kelisip, ortaq málime jasaýǵa bolady.
Elimiz boıynsha Qyzylorda men Petropavl qalasynda baǵa 4 000 teńgeden bastalady. Aıta keteıik, bir saǵattyq tasymaldaý quny kóp qalada tipti 10 000 teńgege deıin jetedi. Taksı qyzmetiniń ishinen júk tasymalyna tapsyrys berýge bolady. Sonymen birge tegin saıt arqyly habarlama qarap, shaqyrýǵa múmkindik bar.
Aıta keteıik, buǵan deıin Qazaqstanda baspana baǵasy qalaı ózgerip jatqany týraly jazyldy.
Bir otbasynyń sheteldegi demalysqa qansha shyǵyndaıtynyn bildik.
