Qazaqstanda Kóshi-qon jónindegi komıtet qurylady

NUR-SULTAN. QazAqparat – Eńbek jáne halyqty áleýmettik qorǵaý mınıstrliginiń Kóshi-qon jónindegi komıteti qurylyp jatyr. Bul týraly Premer-Mınıstrdiń orynbasary Eraly Toǵjanov aıtty, dep habarlaıdy QazAqparat tilshisi.

«Tıimdi eńbek naryǵyn qurý úshin eldiń mıgratsııalyq saıasatyn damytýdyń mańyzdylyǵy az emes. Sondyqtan Prezıdent Joldaýynda Kóshi-qon saıasatynyń jańa tujyrymdamasyn ázirleý mindetin qoıdy. QR Eńbek jáne halyqty áleýmettik qorǵaý mınıstrliginiń Kóshi-qon jónindegi komıteti qurylady», - dedi Eraly Toǵjanov Úkimettegi onlaın baspasóz máslıhatynda.

Sonymen qatar ol eldiń ońtústik óńirlerinen soltústigine qaraı qonys aýdaratyn turǵyndarǵa tólem jasaýdyń tetigi jetildiriletinin atap ótti. Qonys aýdarǵandarǵa úı qurylysyna arnalǵan jer teliminen bólek, aýyl sharýashylyǵyn júrgizýge de jer usyný múmkindigi jasalady.