Qazaqstanda kóshi-qon protsesteri tsıfrlandyrylady
ASTANA. KAZINFORM – Іshki jáne etnıkalyq kóshi-qon salasynda qabyldanǵan sharalarǵa qaramastan, soltústik jáne ońtústik óńirler arasyndaǵy demografııalyq teńgerimsizdik áli baıqalady. Bul týraly QR Eńbek jáne halyqty áleýmettik qorǵaý mınıstri Svetlana Jaqypova aıtyp berdi.
Svetlana Jaqypova Memleket basshysynyń tapsyrmasy negizinde 2023-2027 jyldarǵa arnalǵan kóshi-qon saıasatynyń tujyrymdamasy ázirlengenin jáne qabyldanǵanyn eske saldy.
«Kóshi-qon protsesterin retteý júıesin tsıfrlandyrý – basym baǵyttardyń biri. Mıgranttardyń qozǵalysyn esepke alýdyń biryńǵaı aqparattyq júıesin qurý josparlanýda. Bul bizdegi barlyq sheteldik jumys kúshin avtomattandyrýdy jáne tsıfrlyq esepke alýdy qamtamasyz etedi. Mindetti JSN-di bir mezgilde engizý sheteldik tulǵanyń eńbek sharttaryn jáne ýaqytsha turýǵa yqtııarhattaryn ýaqtyly tirkeýge múmkindik beredi», – dedi S. Jaqypova mınıstrliktiń alqa otyrysynda.
Spıkerdiń aıtýynsha, ishki jáne etnıkalyq kóshi-qon salasynda qabyldanǵan sharalarǵa qaramastan, soltústik jáne ońtústik óńirler arasyndaǵy demografııalyq teńgerimsizdik problemasy áli de saqtalýda. Beıimdelý problemalaryn sheshý úshin kelý qonys aýdarýshylardy súıemeldeý boıynsha jergilikti atqarýshy organdardyń ózara is-qımylynyń jańa algorıtmi ázirlendi.
Otbasyn, onyń ishinde balalardy jergilikti qoǵamdastyqqa tıimdi ıntegratsııalaý úshin algorıtm áleýmettik, densaýlyq saqtaý jáne bilim berý qyzmetterin qosa alǵanda 25 beıimdelý jáne ıntegratsııalyq qyzmetterin qamtıdy. Qyzmetterdi qonystandyrý óńirlerindegi mansap ortalyqtarynyń qyzmetkerleri kórsetedi.
«Bes jyl boıy Otbasynyń tsıfrlyq kartasy jáne mobıldi qosymsha arqyly qonys aýdarýshylardyń beıimdelýi baqylanady. Jańa algorıtm Shyǵys Qazaqstan jáne Pavlodar oblystarynda sátti qoldanylýda, ol qandastar men qonys aýdarǵandar arasynda suranysqa ıe. Sondyqtan aldaǵy ýaqytta pılotty basqa óńirlerge de masshtabtaýdy josparlap otyrmyz», – dedi Svetlana Jaqypova.
