Qazaqstanda kórshilerge alǵys aıtý aktsııasy ótedi
Búgin Almatydaǵy Dostyq úıinde elimizdiń etno-mádenı ortalyq jetekshileri men qoǵamdyq birlestik ókilderiniń qatysýymen ótken alqaly jıynda QHA tóraǵasynyń orynbasary - QR Prezıdenti Ákimshiligi QHA hatshylyǵynyń meńgerýshisi Darhan Myńbaı 1 naýryzdan bastap, «Qaıyrymdy kórshige rahmet» aktsııasy bastalatynyn jetkizdi.
Aıta keteıik, jıyn Elbasy Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Qazaqstan halqyna joldaýyn talqylaýǵa arnaldy.
«2018 jyly 1 naýryz, «Alǵys aıtý» kúni aıasynda elimizde alǵash ret «Qaıyrymdy kórshige rahmet» aktsııasy óz jumysyn bastaıdy. Bul - birge ómir súrip jatqan qaýymdastyqtar men túrli etnostardyń birligin nyǵaıtatyn taǵy bir ıgi bastama. Aktsııa asynda kórshi úıler, aýyldar men aýdandarda turatyn halyqtardyń kezdesýin uıymdastyrýǵa bolady. Onda bir birine alǵys aıtyp, eski ókpe-renish bolsa keshirim suraýǵa bolady. Sonymen qatar, kórshi ornalasqan mekeme ujymdarynda osy sharaǵa tartýǵa bolady», - deıdi Darhan Myńbaı.
QHA tóraǵasynyń orynbasary etno-mádenı ortalyq basshylaryn osy sharalardyń basty uıymdastyrýshysy bolýǵashaqyrdy.
«Etno-mádenıortalyqtar aktsııany ótkizýde úlgi kórsetýi kerek. Sondyqtan, respýblıkalyq, óńirlik sharalardy uıymdastyrý qajet. Kórshige, qaıyrymdylyq kórsetý, meırimdilik tanytý barlyq dinde bar», - dedi ol.
Sonymen qatar, Darhan Myńbaı 1 naýryzdan bastap, QHA-nyń aqparttyq jobalary tanystyrylatynyn aıtty. Onyń aıtýynsha, 1 naýryzda Assambleıanyń mýltımedııalyq portaly men Qazaqstan halqynyń ınteraktıvti taqtasy halyq ıgiligine usynylmaq.
