Qazaqstanda korporatıvtik kollektorlyq jónindegi qyzmetke suranys artýda- sarapshy pikiri
ALMATY. Mamyrdyń 25-i. QazAqparat /Názıra Eleýhan/ - Qazaqstanda korporatıvtik kollektorlyq jónindegi qyzmetke suranys artýda. «ıÝSB Kollektor Qazaqstan» kollektorlyq agenttiginiń (KA) qorjynynda búgingi tańda korporatıvtik qaryzdardy qaıtarý boıynsha 5 mıllıon AQSh dollary somasynyń 20-dan astam jobasy bar.
Qorjyn mólsheri boıynsha mejelegen kórsetkish 7 mıllıon AQSh dollaryna deıin arttyryldy, sondaı-aq, aımaqtyq jeli qurý týraly sheshim qabyldandy. Bul týraly búgin Almatyda ótken arnaıy baspasóz máslıhatynda atalmysh Agenttiktiń basqarýshy dırektory jáne ortaq ıelenýshisi Danııar Tenelov málim etti, dep habarlaıdy QazAqparat.
«Nesıelik bereshegin tóleýden ádeıi jaltaratyn boryshkerler bul áreketteriniń bıznes- qoǵam men jurtshylyqtyń qulaǵyna deıin jetetinin bilýi tıis. Ondaı jaǵdaıda boryshker kompanııalardyń attary jarııa bolyp qana qoımaı, olardyń qatysýshy aktsıonerleri, sonymen qatar, birikken tulǵalardyń attary da málim bolady. Biz óz tájirıbemiz negizinde mundaı jaýapkershilik aıtarlyqtaı tıimdi qural bolyp tabylatynyn aıta alamyz. Osy ádisti qoldana otyryp, biz jalpy somasy 200 000 AQSh dollarynan asatyn tórt joba boıynsha qaryz tóleýge qatysty ýaǵdalastyqqa qol jetkizdik», dedi Agenttiktiń basshysy Danııar Tenelov.
Ol sonymen qatar, Kollektorlyq agenttik bedeldik jaýapkershilikpen ǵana aınalyspaıdy, dep habardar etti. "Búgingi tańda Qazaqstanda Qylmystyq kodekstiń "Nesıelik bereshekti tóleýden ádeıi jaltarý" jónindegi 195-baby qoldanylmaıdy deýge bolady, sondyqtan biz bul bapty belsendi túrde qoldaný boıynsha sharalardy júzege asyratyn bolamyz", dep atap ótti ol.
