Qazaqstanda korporatıvtik áleýmettik jaýapkershilik týraly áli ortaq túsinik joq - Qoǵamdyq máselelerdi taldaý ortalyǵynyń dırektory
ALMATY. 26 qańtar. QazAqparat /Erlik Erjanuly/ - Qazaqstandaǵy korporatıvtik áleýmettik jaýapkershiligindegi negizgi másele qoǵamdyq suranystyń tómendigi bolyp otyr.
Bul týraly búgin Almatyda ótip jatqan bıznestiń korporatıvtik áleýmettik jaýapkershiligi týraly dóńgelek ústel jıynynda aıtyldy.
«2009 jyly Qazaqstandaǵy BUU-nyń Damý baǵdarlamasy korporatıvtik áleýmettik jaýapkershilik týraly saýalnama júrgizgen. Onyń qorytyndysyna qaraǵanda, qazaqstandyq kompanııalardyń 60 paıyzy korporatıvtik áleýmettik jaýapkershilikten habardar ekenin, al 40 paıyzy bul jóninde múlde maǵlumaty joq ekeni anyqtalǵan. Avtorlar saýalnamaǵa qatysqandardyń 75 paıyzy shaǵyn jáne orta bıznes ókilderi ekenin atap ótken», - deıdi Qoǵamdyq máselelerdi taldaý ortalyǵynyń dırektory Merýert Mahmýtova. Olardyń paıymdaýynsha, kompanııa qanshalyqty iri bolǵan saıyn onyń korporatıvtik áleýmettik jaýapkershilikti túsiný deńgeıi de joǵary bolady.
