Qazaqstanda korporatıvtik áleýmettik jaýapkershilik damýdyń bastapqy satysynda tur
ALMATY. 26 qańtar. QazAqparat /Erlik Erjanuly/ - Búgingi shara Qazaqstandaǵy korporatıvtik áleýmettik jaýapkershilik bastamasy men tájirıbesinde ózara aqparat almasýǵa baǵyttalǵan.
QR Prezıdenti janyndaǵy Sheteldik ınvestorlar keńesiniń ınvestıtsııalyq ımıdjdi kóterý jónindegi jumys tobynyń teń tóraǵasy Erlan Dosymbekov búgin Almatyda ótip jatqan bıznestiń korporatıvtik áleýmettik jaýapkershiligi týraly dóńgelek ústel jıynynda osylaı aıtty.
«Bul Sheteldik ınvestorlar keńesiniń resmı sharasy emes. Munda aıtylǵan qatysýshylardyń kózqarasy men usynystary Keńes músheleriniń kózqarasy emes. Biz dóńgelek ústelge qatysýshylarmen aldyn ala habarlasyp, olardyń bul májiliste talqylaǵysy keletin saýaldary men onyń mazmunyn anyqtap aldyq», - deıdi E. Dosymbekov. Onyń aıtýynsha, basqosý - «Qazaqstanda korporatıvtik áleýmettik jaýapkershilikti damytýdy yntalandyrý jáne múddeli taraptar», «Korporatıvtik áleýmettik jaýapkershilik ınvestıtsııalyq tartymdylyqty kóterýdiń quraly retinde», «Qarjylyq emes eseptilik jáne múddeli taraprtarmen ózara árekettestik», «Korporatıvtik áleýmettik jaýapkershilik tájirıbeleri», «Korporatıvtik áleýmettik jaýapkershilik tájirıbesin ilgeri jyljytý: BAQ-pen jumys» degen taqyryptar boıynsha ótpek. Jalpy Qazaqstanda korporatıvtik áleýmettik jaýapkershilik qazir damýdyń bastapqy kezeńinde tur. Ol eldiń ornyqty damýyn qamtamasyz ete alady. Bul sektorda qazirgi ishki ynta jetkilikti.
