Qazaqstanda korporatıvti áleýmettik jaýapkershilik jóninde www.csrkz.org alǵashqy veb-saıty quryldy
«Korporatıvti áleýmettik jaýapkershiliktiń (KÁJ) Qazaqstan úshin mańyzy zor. Búgingi tańda kez kelgen bıznespen aınalysatyn uıym óz isteriniń tapsyrysshylarǵa, jabdyqtaýshylarǵa, jumysshylarǵa, aktsıonerlerge, jergilikti qaýymdastyqtarǵa jáne basqa múddeli tulǵalarǵa, sonymen qatar qorshaǵan ortaǵa degen áseri úshin ózine jaýapkershilik arta otyryp, qoǵamnyń múddelerin eskerýi tıis», - delingen saıtty jasaýshylar taratqan málimette.
Bul mindetteme zańmen bekitilgen máselelermen shektelmeıdi, uıymdar jumysshylardyń jáne olardyń januıalarynyń, sonymen qatar jergilikti qaýymdastyq pen qoǵamnyń ómir sapasyn jaqsartýǵa óz erkilerimen qosymsha sharalar qoldanady.
«Qazaqstandaǵy Amerıkalyq saýda ónerkásip palatasynyń korporatıvti áleýmettik jaýapkershilik boıynsha jumys toby óz qyzmeti nátıjesinde csrkz.org veb-saıtyn daıyndap shyǵardy. Kóptegen kezdesýler men talqylaýlar kezinde, KÁJ-di damytýǵa at salysatyn kompanııalardyń, ÚEU-nyń jáne memlekettik qurylymdardyń kóptigine baılanysty, keıde olardyń arasynda tıimdi qarym-qatynas qurýdyń qıynǵa túsetinine kóz jetkizdik. Munyń sebebi KÁJ negizderin tolyq túsinbeý, qyzmetterdi naqty úılestirý jáne Qazaqstan boıynsha jaǵrafııalyq ornalasýdyń máselesi. KÁJ baǵdarlamalary arqyly jeke jáne kommertsııalyq emes salalar qoǵamnyń áleýmettik máselelerin sheshýde jańa ıdeıalar men ádisterdiń qundy qory bolatyndyǵynda», - deıdi saıt avtorlary.
csrkz.org saıtynda korporatıvti áleýmettik jaýapkershilik týraly materıaldar kitaphanasy, sonymen qatar, osy taqyryptaǵy qazaq, orys jáne aǵylshyn tilderinde jańalyqtar, saraptamalyq maqalalar bar. Osy qor kompanııalar men barlyq múddeli taraptarǵa korporatıvti áleýmettik jaýapkershilik múmkindikterin tereń túsinýge kómektespek.
