Qazaqstanda koronoavırýstan taǵy 25 adam emdelip shyqty
NUR-SULTAN.QazAqparat- Qazaqstanda 25 adam KVI-dan emdelip shyqty, dep habarlaıdy Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtaby.
Osylaısha elimiz boıynsha qaýipti vırýstan emdelip shyqqandar sany 629-dy qurady.
«Nur-Sultan qalasynda 1954 jylǵy jáne Almaty qalasynda 1945 jylǵy naýqastar koronavırýs ınfektsııasynyń saldarynan qaıtys boldy. Qazaqstanda COVID-19-dyń kesirinen barlyǵy 24 adam qaıtys boldy», delingen habarlamada.
