Qazaqstanda koronavırýstyń úndi shtamy qansha adamnan tabyldy
«Búgingi tańda Nur-Sultan qalasy boıynsha koronavırýs ınfektsııasy dıagnozy qoıylǵan 55 adam ekspress-ádispen testileýden ótti. Olardyń 55%-ynda ıaǵnı 30 synamada úndi shtamynyń mýtatsııasy bolýy yqtımal. Búgin Almaty qalasynda da úndi shtamynyń tsırkýlıatsııasy anyqtaldy. Keshe testileýden ótkender arasynan bir synama tabyldy», - dep jaýap berdi Aıjan Esmaǵambetova Ortalyq kommýnıkatsııalar qyzmetinde tilshi suraǵyna.
Onyń aıtýynsha, PTR skrınıngi úndi shtamyna tán mýtatsııany anyqtaıdy, al tolyq senimdi nátıje alý úshin genomdyq rettilik júrgiziledi.
«ıAǵnı, vırýstyń DNQ tizbegi tolyq qarastyrylyp, úndi shtamyna tán mýtatsııanyń bolý-bolmaýy anyqtalady. Bul taldaý ádette, aıtarlyqtaı uzaq ótedi jáne oǵan shamamen úsh apta jumsalady», - dep túsindirdi spıker.
ıAǵnı, mamandar aldymen jedel testileý ótkizip, PTR ádisimen anyqtaǵan.
«Endi dál osy synamalar úsh apta ishinde tekseriledi. Sonda tolyq genomdyq rettilik úndi shtamynyń bar-joǵyn rastaıdy. Degenmen, PTR-júıeler óte sezimtal jáne koronavırýstyń qandaı da bir túriniń mýtatsııasyn anyqtaıdy», - dep tolyqtyrdy Aıjan Esmaǵambetova.
