Qazaqstanda koronavırýstyń taralý qarqyny 2,5 ese ósti

NUR-SULTAN. QazAqparat – Densaýlyq saqtaý mınıstri Ajar Ǵınııat Qazaqstanda koronavırýs indetiniń taralý qarqyny jaıynda aıtyp berdi, dep habarlaıdy QazAqparat tilshisi.

«Álemde syrqattaný deńgeıiniń ósýimen qatar, Qazaqstanda da 20 maýsymnan bastap koronavırýs ınfektsııasyna shaldyǵý deńgeıi ósti. Sońǵy aptada aldyńǵy aptamen salystyrǵanda syrqattaný 2,5 esege artty (1030-dan 2558 jaǵdaıǵa deıin). Táýligine koronavırýstyń rastalǵan sany (KVI+) 1300 jaǵdaıǵa deıin tirkelip jatyr», - dedi A.Ǵınııat Ortalyq kommýnıkatsııalar qyzmetinde.

Onyń aıtýynsha, indettiń taralýy jaǵdaılarynyń ósýine qaramastan, naýqastardy aýrýhanaǵa jatqyzý deńgeıi tómen.

Bıylǵy 15 shildedegi ahýal boıynsha respýblıkada koronavırýs boıynsha statsıonarlyq kómek 139 juqpaly aýrýlar aýrýhanasynda kórsetilip jatyr. Olarda naýqastardy qamtý 3282 oryndy quraıdy. Qazirgi kezde osy aýrýhanalarǵa 570 naýqas emdeýge jatqyzyldy.