«Qazaqstanda koronavırýstyń omıkron HVV shtamy anyqtaldy» - aqparat jalǵan

ASTANA. QazAqparat - Qazaqstanda SARS-CoV-2 koronavırýsynyń omıkron HVV shtamy anyqtalǵany týraly aqparat WhatsApp-ta keńinen tarap jatyr. QR Densaýlyq saqtaý mınıstrligi osyǵan qatysty pikir bildirdi, dep habarlaıdy QazAqparat stopfake.kz saıtyna silteme jasap.

Vedomstvo málimetinshe, bul – jalǵan aqparat.

«Alynǵan shtamdardy sekvenırleýdiń sońǵy nátıjesi elimizde omıkron nusqasy taralǵanyn 100 paıyzǵa kórsetti. Qazaqstanda omıkron HVV nusqasy anyqtalǵan joq», – dep habarlady mınıstrliktiń baspasóz qyzmetinen.

Sondaı-aq QR DSM málimetinshe, táýligine el boıynsha PTR-testileýdiń 200-ge jýyǵy oń nátıje, shamamen 10-y teris nátıje kórsetedi. Epıdemıologııalyq jaǵdaıdy baǵalaý matrıtsasyna sáıkes barlyq óńirler jáne jalpy respýblıka «jasyl» aımaqta ornalasqan.

Sońǵy aptada onyń aldyńǵy aptamen salystyrǵanda syrqattaný 4% tómendedi.

«Dúnıejúzilik densaýlyq saqtaý uıymynyń aqparatyna sáıkes, XBB – omıkron nusqalarynyń biri. 2022 jyldyń qazan aıynan bastap ol álemniń 38 elinde anyqtaldy, naýqastardyń eń kóp sany AQSh-ta tirkelgen.
Qazirgi ýaqytta aýrýdyń klınıkalyq aýyrlyǵy men HVV nusqasynyń epıdemıologııalyq mańyzdylyǵy boıynsha zerthanalyq zertteýler jalǵasýda», - delingen stopfake.kz saıtynda.